每次開播前，最好預兩小時做準備，例如場地及設備等嘅準備。而直播場景嘅構建，都非常講究，需要花人力物力去準備
。例如圖片三中呢三個直播，都存在場景構建問題
。第一張環境比較雜亂，會令觀眾感覺眼花，建議可以執下個背景，將貨物移走，騰出空間俾直播主講解產品。第二張淨係影住產品，雖然可以令觀眾睇得更清楚，但係會產品距離感，感覺睇緊廣告片而唔係直播。第三張直播主距離屏幕太近，令到觀眾有壓迫感，距離產生美，保持適當距離非常有必要。呢啲類似問題，大部分人做直播嘅時候都會出現，既影響畫面美感，亦都降低咗觀眾觀看嘅慾望，進而影響體驗、留存及轉化
。最適合嘅直播構圖，應該喺可以透過手機屏幕，令觀眾感覺：“直播主係同緊我一個人講野
”。直播畫面構圖可以參照“121”構圖法：①上部：1/4留白放置品牌LOGO、直播title、產品貼圖等；②中部：直播主半身出鏡，占屏幕嘅1/2，大部分時間保持眼睛對視鏡頭，除非同partner溝通或睇產品資料等；③下部：用嚟展示商品，占屏幕嘅1/4，如有操作檯，產品就可以放置喺檯上；④背景：以品牌、活動或者產品相關場景為主，強調簡單舒適；仲有幾個重點需要注意
：重點1：主播講話嘅時候一定要對著鏡頭，多啲眼神接觸，會感覺真誠啲。重點2：一定優先用豎屏直播，構圖上面會比較適合重點3：最好係兩個直播主，一個為主，一個為副，比較容易製造話題同互動重點4：多啲唔同嘅鏡頭切換，例如zoom近產品，令觀眾容易睇到detail係咪覺得有少少複雜呢？唔洗緊張，大家可以即時download LOOPLIVE，免費開直播，試吓點樣規劃一場直播。另外我哋仲keep住有一系列workshop教大家如何由0開始做直播，留意住LOOPLIVE FB/IG，記得參加啦。
