直播前，一定要規劃好流程，寫落Run-down (流程表)度。一場兩個鐘嘅直播點樣規劃，可以參考以下：開場用5至8分鐘，唔好直接介紹產品，要同觀眾做暖場及閒話家常，聊天互動
。再用5至8分鐘簡述主題和產品清單，例如今次會介紹幾多款產品，係咩類型嘅產品等。之後有75分鐘介紹產品，每一件產品嘅推銷時間應為5至10分鐘，介紹功能性和用戶體驗。而每次直播唔可以只介紹或用太長時間介紹一件產品
，變成hard sell就會令觀眾疲倦。喺介紹產品嘅同時，都可以穿插一啲其他話題，例如演員葉璇做直播帶貨嘅時候，就會同觀眾講返一啲以前拍過嘅電視劇，或者一啲娛樂新聞，既令到觀眾有興趣繼續留喺佢嘅直播間，又唔會太注重產品銷售，令觀眾更舒服
。介紹嘅同時與觀眾互動，一路睇住留言板觀眾有冇留言。所有好嘅直播都要同觀眾有好嘅互動，有咩留言都要回應
。假如有抽獎、拍賣、遊戲，可以一同進行。完成所有產品介紹後，再作一次5至8分鐘嘅回顧，再次話俾觀眾知如何購買，因為其中不少觀眾喺中段先進入直播。最後介紹下期直播主題，咁就完成咗大約2小時嘅直播
。心動不如行動，大家可以即時download LOOPLIVE，免費開直播，試吓點樣規劃一場直播。我哋仲有一系列workshop教大家點做直播，留意住LOOPLIVE FB/IG，記得參加啦
