短短1個鐘嘅直播，需要提前半個月嘅時間去籌備。以LOOPLIVE籌劃多場直播嘅經驗嚟講，團隊必須有嘅崗位包括產品經理、直播主及直播助理
，如果人手充足，可以安排多一位負責售後服務。產品經理需要係直播前篩選產品，做research，準備產品介紹內容及流程等。直播主就唔需要多講，而直播助理就要喺每場直播前，brief直播主呢場嘅產品及流程。喺直播途中，要幫直播主睇觀眾留言，mon住後台銷售數據，及時反映俾直播主，方便佢同觀眾互動。而喺直播後，都需要負責售後服務等
。而正所謂「工欲善其事，必先利其器」，喺直播前都要預先set up好設備。例如，如果你用手機直播，靜止鏡頭嘅話，就需要一個手機腳架去幫你固定鏡頭，確保拍攝時唔會無故走位。而若然鏡頭需要移動，咁就要一個穩定器或者雲台去確保你移動鏡頭時，唔會因鏡頭震幅太大而影響觀眾視覺效果。其次就係打燈
，直播嘅燈光都好重要，坊間都有好多專for直播嘅燈，可以買多幾盞試試唔同嘅燈光效果。仲有收音所使用嘅mic，都有好多款式，要根據唔同嘅場合去做準備，做好調試校音。最後，網絡速度對直播嚟講都非常重要，唔單止會影響直播嘅順暢程度，仲決定咗你嘅直播會否喺進行中突然斷線，所以一定要特別留意
心郁郁想做直播，但又唔知點樣搞?只要你有好貨, 搵LOOPLIVE幫你搞
我哋非常樂意去為商戶準備好每一場直播，為求達到最好效果！唔收平台費, 唔收廣告費, 仲有好多Loopliver幫你拍片宣傳同開Live賣貨，快啲contact我哋啦~
